薑蔥鮑魚煲

喜歡中式菜快炒的師奶森，簡單鮮味原煲係常見菜式，碟子可以洗少隻，不好嗎？哈哈！
這個鍋子，20cm bis，我是很喜歡的！還記得當日非常辛苦得到各好心人幫忙才買到的，簡直有汗有淚！雖然這個顏色常被人嫌棄，可是奶師森常用十大好煲之中，有三個都是橙色的。不好嗎？我用得很粗，花了也不心痛，哈哈～(唔好意思，長氣師奶食飽飯越講越離題了。。。)

【薑蔥鮑魚煲】
材料:
鮑魚仔8-10隻
薑一大舊，切粗絲
蔥大量，分開蔥白與蔥段
油1湯匙
紹興酒1湯匙

調味:
蠔油1.5茶匙
豉油1茶匙
糖1/4茶匙
水1茶匙
粟粉少許

做法:
1。買鮑魚時，跟海鮮檔說要起肉。回來把鮑魚掃洗乾淨。底部介花(見相)。介花才入味。
2。鍋子落油加熱至出煙，加入薑片、蔥白、少許蔥段爆香。(亦可加少許紅尖椒，會香些，顏色又靚，但不會辣) 。
3。加入鮑魚，紹興酒沿鍋子邊澆下，兜炒1分鐘，上蓋焗約1分鐘，保持中大火，視乎鮑魚大小蓋時間。
4。加入所有蔥段兜勻，再加入調味。試味即可。

長氣話:
※炒海鮮關鍵在鑊氣，火要勁，鑊要熱。保持快手，包無失拖。
※薑同蔥，不怕多，只怕少！重手一點也不怕。份量不夠，味道就失色的了。鮑魚吸了薑蔥味，薑蔥亦吸收了鮑魚的精華，極之好味的。
※煲仔原煲上，更野味！
※只要你懂得薑蔥煲做法，薑蔥生蠔煲，薑蔥炒蟹也是相同～ (蠔要先拖水，不用加蓋焗，快手兜炒)



原來師奶森facebook專頁不經不覺已經寫了一年。
有放食譜的時候，真的不容易找。
還是的起心肝開了blog。Yeah~

儲糧多士

下午茶，說故事。。。

話說有一天朋友們到訪，師奶森煮了一煲咖哩，但低估了友人們的食慾，飯煲都刮光了！友人還想繼續把咖哩汁吃光～

我說: 做蒜蓉包你吃好嗎？

友人呆了！哪裡找蒜蓉包呢？！

我: 很快～5分鐘～給我5分鐘！

就是這個，我是這個Das Gute (A1 bakery) 法式牛油軟法包的超級瘋熱迷。遇上出爐，我可以光吃一整個當午餐！再買兩個回家自行切片(討厭麵包小姐經常切得又厚又爛！)，再原袋封好塞進冰箱。(沒錯！新鮮的麵包放進冰箱可儲存很久的！)

早餐、下午茶時間，找好朋友Airfryer幫幫手，麵包不用解凍，直接放進好朋友中，160-180度 (視乎toping是什麼和要幾脆口)，3-5分鐘就可以啦！非常非常外脆內軟的！

※可做蒜蓉包，塗上小許牛油+現成香草蒜蓉醬，可灑上芝士碎。

※簡單點，塗上黑松露橄欖油焗，香到升天的呢！

※薄薄一小片牛油+芝士碎又得。

※焗洋蔥湯，湯面那一小片麵包，我也是讓佢～

※相中是塗了牛油+咸牛肉+黑胡椒+芝士。

咕嚕鬼馬油條

【咕嚕鬼馬油條】

我不是原創者，好多年前已經見過人寫過，做過。。。

但我好鍾意咕嚕乜乜，咕嚕物物，全部都係我至愛。

呢個菜式，家中爆光率極高，因為太易又方便。而且Airfryer同油炸鬼係好朋友！完全可以快速地，無油地，炸至卜卜脆(製作油條的油不關我事另計XD)！再兜埋甜酸汁。。。wow~

曾經多次教過朋友們整，但偏偏無寫低。次次都寫一次，應該有自虐狂！

今次發帖，之後唔洗再罰自己不停打字啦！

材料:

油條一條切粒

墨魚膠二両 (約75g)

洋蔥，青椒，紅椒各半個切件

罐頭菠蘿兩片切粒

甜酸汁:

茄汁2湯匙

糖2湯匙

白醋2湯匙

粟粉1湯匙

罐頭菠蘿水/清水5湯匙

鹽少許

(記得自己試下味，甜酸度因人而異)

做法:

1)油條釀好墨魚膠。放入airfryer，180度約5分鐘，至油條脆身，墨魚膠熟，便可。

2)鑊加油燒熱，加洋蔥炒香，再加青椒，加少許鹽(我更會灑少許料理酒)，快炒片刻，加入菠蘿，加入油條，加甜酸汁，快兜，搞掂！所以材料掛上汁便可。

長氣話:

我嘅經驗係唔用新鮮油條會更脆。同食落無咁油。即係我會身痕買定油條，好似麵包咁，包好放冰格儲存。到要時取出，不用刻意解凍，切粒，釀墨魚膠。再放入airfryer炸脆。

如果無AF, 可以煎的。先煎熟墨魚膠一面，然後再煎脆油條。又或者用焗爐焗都得。